موقع شهيواتنا يقدم لكل ما يهم المرأة المغربية
طريقة تحضير ميروندينا في المنزل
مقادير الجينواز :
4 بيضات
كاس سنيدة
نص خمارة
فاني
2 ملاعق زيت
3 ملاعق حليب حليب
كاس دقيق مغربل
تزين :
شكلاط
طريقة لجينواز :
كنشدوا لبيض و سنيدة و لفاني و كنطربوهم مزيان حتى يطلع ليا لبياض (هاد الخطوة مهمة ضروري ميطلع لبيض ) و كنزيدوا داك لحليب و زيت و كنعاودوا نطربوا و من بعد كنشدوا ديك نص خمارة مع كاس دقيق بقا نغربلوه فوق لخليط و نخلطوا بشي معلقة من لفوق لتحت غير بشويااا باش نحافظوا على شكل لخليط من بعد نكبوا لخليط فوق ورق طبخ و نقادوه على شكل مستطيل و ندخلوه لفران نشعلو لفوق و لتحت خاصكم تبقاو مراقبين لجنواز ليتحرق حيت دغيا كيطيب ملي نشوفوه بدا تيتحمر نخرجوه و نخليوه ابرد و نقلبو طاوة و نحيدوا ورق طبخ ، ملي ابرد لجينواز نقسموه على جوج خاص اكون متساويين حيت غانلاقيوهم مزال ، من بعد غانشدوا شكلاط ندوبوه و نخلطوه مع دانيت شكلاط و نكبوه فوق الجينواز و نشدوا نصف الاخر و نلاقيوهم و نقسموا ثاني الجينواز على نص (بطول) و نبقاو نقطعوا قطع بحال شكل ميريندينا من بعد نشدوا واحد الكمية كبيرة ديال شكلاط ندوبوها و نبداو نغطسوا كل قطعة فشكلاط و نحطوهم فوق ورق طبخ من بعد مايبردوا غانشدوا لبقايا د شكلاط لي بقا لينا و نزيدوا ليه شكلاط بيض و ندوبوه و نشكلوا خطوط فوق ميريندينا و نخليوها تبرد و ها هي واجدة
الإبتساماتإخفاء